أنهى مصر فيهم؟
لما سألت نفس السؤال للدكتور الاول فى العلوم السياسيه واعداد البرامج التنمويه عندما التقيت به فى احدى المؤتمرات
وقولتله ايه رأيك فى مصر واى اكتر حاجه بتحكمها
صمت قليلا ثم قال
انهى مصر فيهم يابنى
قصدى يعنى مصر بتاعتنا ولا مصر بتاعتهم
قولتله يادكتور هو فى مصرين؟
قالى طبعا
ايه رأيك فى الجدار العازل على حدود غزه
رأى 70% من الشعب بيقول انه عار
10 % موافقين عليه وشايفينوه حمايه لينا مش عارف من ايه
20% مش عارفين ايه الجدار ده
يعنى الشعب مش عاوز الجدار
وطالما الجدار بيتبنى يبقه فى مصرين
مصر بتاعه الشعب و مصر بتاعه الحكومه
وشتان بين الاتنين
لو بتتكلموا على مصر بتاعه الشعب طبعا كلنا بنموت فترابها
ومابنملش ابدا من المشى فشوارعها
ونتمنى نعيش عمرنا كله فيها
لكن مصر بتاعه الحكومه
انا ماشوفتش منهم غير الفساد والطغيان والظلم وخصوصا بعد مادرست العلوم السياسيه
وعرفت حقوقى
وعرفت ان مافيش حاظه اسمها طلع بطاقتك ياروح امك غير فى مصر
وان قانونا الظابط اللى بيطلع هويته للمواطن
وبيقول عفوا سيدى معك الظابط فولان وللامر الفولانى نحتاج الاطلاع على هويتك
مصر امكن اه بس مش لينا
للسياح بس
انت تعرف انك ممنوع تدخل اماكن معينه فى الاهرامات لانك مصرى
ومحصصه للاجانب فقط
مانعرف شئ عن دخل البلد ولا مواردنا
مع ان فيها كتير
كفايه ان دخل قناه السويس تم تخصيصه للرئاسه والمخابرات
احنا مش زعلانين من الفقر
احنا ممكن نعيش فظروف اصعب من كده
بس نعرف ايه اللى لينا وايه اللى علينا
الشباب زى مانت شايف 60% بيشرب حشيش
مع العلم ان الدوله عليها دور كبير جدا
فين وزراه الشباب
الشباب محتاج حد يحتويه ويدور عليه
مش عاوز حد غبى يقولى يعنى الريس حينزل يجيبلك عيش من الفرن
اللى عاوز يقول كده يقرأ البرنامج التنموى لمهاتير محمد فى ماليزيا
ويشوف ازاى الراجل ده طور ماليزيا فى 7 سنين بس
وخلاها احد النمور الاسيويه بعد ما كانت دوله ناميه
وان امريكا قالت ياسلالالالالالالالالام لو نعرف نعمل زيه فى 100 سنه
الراجل ده بدأ بالبنيه التحتيه طرق ومرافق وكبارى ومستشفيات ومصالح عامه
وبعد كده اتبنى فكر الشباب والتعليم وتوظيف العماله
ونهض جدا بالامه
احنا محتاجين حد يقف معانا
