لو تقصد درايف الريكفري والتولز
بالنسبه لدرايف التولز ده مفيش منه مشكله لانك سهل تجيبه بتخش على موقع الاتش بي وبتدخل نوع وموديل اللاب بتاعك وبعدها نوع الويندوس بتاعك
وبتحمل البرنامج ده HP System Diagnostics UEFI
موجود من ضمن البرامج اللي موجوده هناك ،، وده خاص بالدرايف التولز
اما بالنسبه بقى لدرايف الريكفري فده لو انت على النسخه الاصليه حاليا
ممكن تجيب خمس اسطوانات دي في دي وتخش على برنامج ريكفري مانجر وتيجي على اول اختيار على ايدك اليمين اسمه ديسك ميديا تقريبا
وتعمل الاسطوانات ومن خلال الاسطوانات دي تقدر ترجع اللاب توب زي ما جبته من المصنع
عن طريق الاختيار factory reset
بس ملحوظه لو استخدمت الخيار ده كل الدرايفات هترجع اه ،، بس اي ملفات او حااجات شخصيه ليك نزلتها على اللاب هتتمسح ولو قسمت الهارد التقسيم هيروح وهيرجع زي ما جبته جديد
لو عايز بعض الاستفسارات التانيه قولي وانا هبقى اتابع معاك
