واحد مهندس صاحبي، وزميلي في الشغل أول ما ابتديت التزم في 2003 لقيته جاي ع الصبح بدري كدة في عجلة من أمره وقال لي سامح؛ سيب اللي في إيدك عاوزك في موضوع
مهم أوي، بصراحة قلقت لأنه كان بيتكلم بجد على غير غادته، قلت له خير؟!، قال لي أنا رايح أشوف واحدة النهاردة (كان بيخطب في الأيام دي) ومحتاج مساعدتك
جه في بالي إنه يمكن عاوزني أروح معاه "سنّيد" وأفضل طول القعدة أحكي على بطولاته في الشغل، وإزاي رئيس مجلس الإدارة ما بيحركّش قلم من مكانه غير لما ياخد رأيه، وأخدت قرار بالرفض عشان أنا بقيت ملتزم
وبطّلت أكذب قصدي "أسند"
لقيته بيقول لي أصل البنت اللي انا رايح لها النهاردة دي متدينة وبيقولوا إنها ممكن تسألني في الدين ،وإنت عارف أخوك أبيض في الدين، فياريت تقول لي كلمتين كدة عشان لو سألت أعرف أرد عليها
غير إن أنا شخصيًا كنت لسة مبتدئ في قراءة العقيدة والفقه و غيرهم في الوقت ده؛ قلت أبدأ معاه بحاجة بسيطة في الأول؛ قلت له شوف؛ هي ممكن مثلًا تسألك إيه هي أركان الإسلام؟!
وشه اتقلب وقال يانهار أسود ، إيه أركان الإسلام دي؟! قول بسرعة :S قلت له إنت بتتكلم بجد؟! ما تعرفش إيه أركان الإسلام؟! قال لي يا عم مش وقته، قصّر، إيه هي أركان الإسلام دي؟!
قلت له شهادة أن لا إله إلا الله، وأن محمدًا رسول الله و (لكنه قاطعني) .. قال لي بس بس .. خضيتني يا عم، كبرت الموضوع، و أركان الإسلام ،وحسستني إني جاهل بالدين خلاص خلاص، عارف الباقي، عشان أطمّن؛ قلت
له إيه هو الباقي ؟! قال لي وهو بينجعص كدة حي على الصلاة ، حي على الفلاح، قد قامت الصلاة ، قد قامت الصلاة
يانهااااااار اسود ياولاد :))))))))
تحديث للسؤال برقم 1
منقوووووووووووول
