اولا:الادارة الاولي : ان يكون مدير الشركة اللي بشتغل فيها محجم كل الموظفين و كاتم على نفسهم ومش مدينا فرصة اطلع مهاراتى ومواهبي في الشغل
ومخلينى في مكان واحد بس صغير ...مهما كبرت انا بردو في المكان الصغير مقدرش اعلى عنة...مقابل ان المدير دة حامى الشركة من اي خطر وتحدى خارجى وقيادى متمكن و شخصية قوية والشركة في عهدة بتعلي وبيخشلها دخل
عالي جدا..ومحافظ على كرامتنا وحامينا من الشركات التانية
ثانيا: الادارة التانية : ان مدير الشركة دة يكون خاربها و شخصيتة ضعيفة ومش عارف يديرها ومش فاهم حاجة و معندهوش خبرة بجد و كذا مرة بيطلب منى انفذ افكار انا اصلا مش مقتنع بيها واقولة بلاش حتفشل
..يقولي ملكش دعوة مش حتفهم اكتر منى ..وفي الاخر افكارة تفشل .. مش قادر علي الشركة و فقد الامل فقال يسرقها قبل ما يمشي والشركة بتضعف وحاسس انها حتتهد قريب..مقابل انة اعطانى مساحة كبيرة فيها ووضع
وظيفي ومالي افضل من الاول وفي امكانية اتدرج اكتر
انا كدة كدة باخد مرتبي ..بس لو مشيت من الشركة ..مش حتنفعنى فلوس ..حينفعنى المستقبل والخبرة ...فمش عارف انهى احسن
على فكرة هما شركة واحدة بس ادارتين .. وانا في التانية وبفكر احول للاولي ..علما بانة سهل يعنى ..تنصحونى اعمل اية؟؟
تحديث للسؤال برقم 1
انهى احسن ادارة اكون تحت قيادتها الاولي ولا الثانية؟؟ علما انى في الثانية
