كمال مسعودي الله يرحمو...(دخلت للقاعة سفقو عليا راسي طار والضو طفات) هل كان يعي ما يقول ؟؟

Question

هذه القصيدة المشهورة التي لم تغب عن آذان اغلب الجزائريين ... رحم الله كمال مسعودي المغني الذي احب الجزائر ومات من اجلها.......... يا حسراه عليك يا الدنيا فيك حكاية وحكايات ساميني وقعدي حدايا واحكيهوملي بثبات علاش هاكدا حقد و سمية تظلي تبدلي في الصيفات تعدبي فيا غير بالشوية عييت معذابك باراكات تلعبي بيا ولا معايا جاوبيني علاش هاذ السكات قالولي عليك مسرحية انا المسرح سكنلي في البال التذكيرة خلصتها غالية اديت معايا شي وردات   دخلت للقاعة سفقوا عليا راسي طار والضو طفات لقيت روحي في تمثيلية والديكور خوف ودموع طمعتيني ودرتي عليا عندي جدي بصح مات يا حسراه عليك يا الدنيا فيك حكاية وحكايات.............. شحال من سلطان كان في دنيا جيوش الامر وطيعات مال وعز قصور وسرايا العسةعليه بالاولوفات غفل غفلة تقلبت الحية في ليلة ماصاب وين يبات وكلتي فلان عسل وفاكية وفلان شمختيلو الفتات فلان قلعتيلو الذرية وحياتو من الفرحة خوات فلان تلق مرتو المسكية زعف كي جابتلو البنات يا حسراه عليك يا الدنيا فيك حكاية وحكايات......... المسجون يرجى الحرية بالدقيقة يحسب لوقات الشهار يحلم بالشهرية يا حليلو مولا وليدات كبدة الميمة مشوية واش كبرت وواش ربات على وليدها بدل الجنسية عجبو زين الروميات خلا يماه وحدانية من البكا والحرقة تعمات باش يبين الرجولية بعتلها زوج محرمات يا حسراه عليك يا دنيا فيك حكاية وحكايات......... نهار كانت الدنيا دنيا الوالدين علقولهم شيعات اليوم الوالدين راهي مرمية في مراكز الشيخوخات انتي دنيا يدك زهرية انا يدي فيها الكيات مع الواقف درتي جمعية سماها دخلات وخرجات القليل بعتيلو خطية جا يصلي تلفتلو الصلات كي سلم انسا التحية كي تحا نسا زوج ركعات يا حسراه عليك يا دنيا فيك حكاية وحكايات......... المال فاني والعظام راشية فاتت جناس وتمحات الي كان تاقي ودار النية طاع ربي وشد في الصلاة دارجتو في الجنة عالية صفة الجنة دارجات والشاقي يمضي النهاية جلداتو في النار اتكسات جلدة رايحة جلدة جاية يظل يبدل في الجلدات نصيحتي نتركه التالية باش نختم بيها البيات يا حسراه عليك يا الدنيا فيك حكاية وحكايات...... دعوة الوالدين رسمية منهم الشر والخيرات الهنا كنز والصحة غالية والباقي كلو كدوبات يا سي ارسللها تحية وامضا فيها بشي دمعات ابعتها لكامال مسعودي برية (ربي يرحمو) طاها قيطار وآلات الصلاه على نور عينيا سيد الخلق يا سادات شكون الي نجا منك يا دنيا غير الي طلقك بالتلاث يا حسراه عليك يا الدنيا فيك حكاية وحكايات..............