أريد دليل أنه يحق للرجل أن يتزوج على زوجته يدون إخبارها ؟؟

Question

عشان دي مهزلة حقيقية .. الأمانة دي فرض ؛ ومذكورة في القرآن بتصريح صريح لا تأويل فيه   :" والذين هم لأماناتهم راعون " والزواج من أربعه كانت آيته محتاجة تفسير استباطني حبة  :" فإن خفتم ألا تعدلوا فواحدة " و " ولن تستطيعوا أن تعدلوا بين النساء ولو حرصتم " يبقى اللبيب يفهم بقى إن تشريع الزواج من أربعة ده خاص بالرجل الي عنده مقدرة عالية على العدل وعنده نسائه مقدرة عالية على التحمل والموافقة على الشراكة .. ده بالنسبة انه يتجوز واحدة ومراته عارفة .. لكن الي هيجنني بقى ؛ ان فيه ناس بتقول ان ممكن يتجوز في السر عشان عدم اختلاق المشاكل ؛ مش دي تبقى خيانة ؟؟!! المشكلة ان ده باسم الدين ! لدرجة ان واحدة مسلمة جديدة بتقولي :" هكذا يجب أن تفكر النساء المسلمات وإنك إذا لم تفكري بتلك الطريقة فلن تكوني صديقتي ، وهكذا قالت فلانة الأكتر إيماناً من مصرييات كثير " ومش هو كمان :" المسلمون بشروطهم " ! .. ومش أي واحدة المفروض انها تشترط على جوزها عدم الزواج من غيرها طالما إنها تؤدي واجبها .. ومش هو اي واحدة اكيد هتضايق ولو حتى دارت ضيقها ؛ لكن اكيد هيحصل وتضايق لما جوزها يتجوز عليها ولما واحدة تقابل واحد سراً يبقى ارتكبت الفاحشة ولما هو يتجوز واحدة سراً عليها علناً على بعض الناس ؛ يبقى ده جواز سليم و شرعي :3 مش هو :" النساء شقائق الرجال " ومش هو " وجعلنا بينكم مودة ورحمة "  فازاي واحد يتجوز واحدة من ورا مراته وميقلهاش ويكون ده تصرف شرعي ؟؟ رجاء الإجابة بالدليل أنا حففت سؤالي بالكثير من الاستشهادات ..

تحديث للسؤال برقم 1

شكراً لكل من أجاب وشكراً على التحليل .. هل يوجد دليل بعد ؟ ..  أن أحد الصحابى مثلاً جاء للرسول وأخبره أنه يريد الزواج من واحدة أخرى بدون علم زوجته .. والرسول طاوعه على هذا ؟ #وآسفة لانفعالي ؛ لم يكن هذا بسبب إجابة سؤال ؛ لكن بسبب أن صديقة مسلمة جديدة تريد الارتباط برجل متزوج وتخبرني أنه يحق لهم الزواج بدون علم زوجته وهكذا قال الشيخ فلان .. وأنا متأكدة أنها هي وأنا وأغلب النساء ستصاب بصدمة عمر حينما تعلم أن زوجها تزوج بدون إخبارها ..