طبعا انا هاتكلم على اساس ان المسلمين هم بس اللى حيدخلوا الجنة على اساس انى من مجتمع مسلم
تعداد المسلمين على مستوى العالم مليار ونصف مسلم بيمثلوا 23% من سكان الارض اي اقل من الربع بشويه
طبعا الربع دول متقسمين لمذاهب وطوائف طبعا حسب السنة ان كل الطوائف دى فى النار وهم فى ضلال زي الاحمدية والشيعة والاباضية اي فى حدود 70% من المسلمين فيه احتمال انهم حيدخلوا الجنة والباقى فى النار حتى
لو عملوا عملا صالحا وخدموا البشرية بعلومهم واختراعاتهم
وطبعا فى حدود ال 800 مليون سنى فيه منهم اللى مقضيها موبقات وبالتالى فى حدود ربعهم حيدخلوا الجنة بس وهم دول الملتزمين جدا والربع ده بيمثل 10% من البشر كلهم
هل معقوله ان 90 % من سكان الارض هم اللى حيدخلوا الجنة بس وال7 مليار انسان حيتحشر فى النار
وال7 مليار كافر دول منهم اللى ماسمعش بامر الاسلام ومنهم اللى مش فاضى يبحث فى الاديان لانه وراه مشاغل تانيه اهم يعنى زي واحد بوذي فقير كل اللى شاغل دماغه انه ياكل عياله واسرته ازاي هو المفروض منه يسيب
شغله ويقعد فى البيت يبحث فى اديان الارض كلها وعددها اكتر من 500 دين ومذهب عشان يتوصل لانه واحد منهم هو الصح وهو الاسلام والباقى غلط علشان ربنا يدخله الجنه فى الاخر وحتى لو توصل للاسلام بس بمذهب تانى
زي الشيعه حيدخل النار
هل اغلب سكان الارض حيدخلوا النار بسبب اما هم غير مسلمين او ضالين وعصاه حتى لو منهم اللى بيعمل الخير اكتر من مليون مسلم وخدم البشرية بما فيهم الشيوخ اللى بيدعوا عليه فى صلاته ؟
