بجد حرام انا متخرج من سنتين من كليه التجاره وطاله ولا عارف حاجه زي اغلب الشباب طبعا انتوا عارفين .. اخدت كورس اي سي دي ال على محاسبه ماليه في معهد تعبان
اي كلام .. المهم اخدت كام شهاده كده و قررت اني الف على الشركات و البنوك وغيرهم في مصر .. وكل واحد يقولك عاوز خبرة عاوز خبرة ... زهقت وطهقت .. فاشتغلت كام شغلانه من الشغلات التعبانه دي .. اللي تشتغلك
اكتر من 12 ساعه ومتاخدش مبلغ محترم وحاجه اخر اهانه .. سافرت عند اخويا في الامارات من حوالي 3 اسابيع لمده شهر .. يعني فاضلي اسبوع وارجع مصر .. من اول يوم نزلت فيه وانا بدور على وظيفه وقدمت السي في
بتاعي في بنوك ومصارف وشركات .. ولا حد بيتصل .. بشوف اعلانات في الجرايد واسال الاقيهم عاوزين خبره ... طب يعني الدنيا كلها عاوزه خبره . اللي زيي ده يعمل ايه بس .. حراام بجد الواحد ينتحر ولا ايه ..للعلم
انا كت نازل الامارات وفي نيتي اني اشتغل اي حاجه وخلاص فاخويا قالي انت لو اشتغلت اي حاجه هنا مش هتعيش يعني اخرك هتقبض الف او الف ونص درهم واحسب سكنك واكلك مش هتعرف تعيش ولا تعمل حاجه !! و غير محدش
بيشتغل اي حاجه غير الهنود والفلبنين؟؟ معلش طولت وحاسس ان محدش هيعبر .. بس حبيت افضفض وخلاص
كل منايا دلوقت ان حد يساعدني قبل الاسبوع ما ينتهي ويعرض عليا وظيفه في دولة الامارات . وظيفه محترمه .. مش طمعان في مبلغ كبير ولا حاجه يدوب يعيشني ويساعدني في حياتي
وشكرا
