كلام مهم للشباب فقط

Question

ﻋﻠﻰ ﻓﻜﺮﺓ ﻳﺎ ﺫﻛﻮﺭﻱ ﻣﻨﻚ ﻟﻪ : ﺍﻟﺒﻨﺖ ﺍﻟﻠﻲ ﺧﺎﺭﺟﺔ ﺑﻨﺺ ﻛُﻢ ﺃﻭ cut ﻣﺶ ﺑﺘﻌﺰﻡ ﻋﻠﻴﻚ ﺿﻤﻨﻴﺎً ﺗﻤﺪ ﺇﻳﺪﻙ ﻋﻠﻴﻬﺎ. ﺇﻃﻼﻗﺎً، ﺩﻱ ﺣﺮَّﺍﻧﺔ ﻣﺶ ﺃﻛﺘﺮ . ﺍﻟﺒﻨﺖ ﺇﻟﻠﻲ ﺑﺘﺸﺮﺏ ﺳﺠﺎﻳﺮ ﻣﺶ ﺑﺎﻟﻀﺮﻭﺭﺓ ﺑﺘﺘﺸﻘﻂ. ﺇﻃﻼﻗﺎً، ﺩﻱ ﺯﻳّﻬﺎ ﺯﻱ ﻭﺍﻟﺪﻙ ﺃﻭ ﻋﻤّﻚ ﺃﻭ ﺃﺧﻮﻙ ﺃﻭ ... ﺃﻭ ...، ﻣﺰﺍﺟﻬﺎ ﺑﻴﺘﻌﺪﻝ ﻣﻊ ﺍﻟﺴﻴﺠﺎﺭﺓ ﻣﺶ ﺃﻛﺘﺮ . ﺍﻟﺒﻨﺖ ﺍﻟﻠﻲ ﻻﺑﺴﺔ ﺧﻠﺨﺎﻝ ﺃﻭ ﺣﻠﻖ ﻓﻲ ﻣﻨﺎﺧﻴﺮﻫﺎ ﺃﻭ ﺣﻠﻘﻴﻦ ﺯﻳﺎﺩﺓ ﻓﻲ ﻭﺩﻧﻬﺎ ﻣﺶ ﺑﺎﻟﻀﺮﻭﺭﺓ ﻓﺘﺎﺓ ﻟﻴﻞ. ﺇﻃﻼﻗﺎً، ﺩﻱ ﺯﻳّﻬﺎ ﺯﻱ ﺻﺎﺣﺒﻚ ﺍﻟﻠﻲ ﻻﺑﺲ ﺣﻈﺎﻇﺔ ﺃﻭ ﺯﻣﻴﻠﻚ ﺍﻟﻠﻲ ﻻﺑﺲ ﺳﻠﺴﻠﺔ ﺃﻭ ... ﺃﻭ ... ، ﺩﻱ ﻭﺟﻬﺔ ﻧﻈﺮﻫﺎ ﻓﻲ ﺍﻹﻛﺴﺴﻮﺍﺭ ﻣﺶ ﺃﻛﺘﺮ . ﺍﻟﺒﻨﺖ ﺇﻟﻠﻲ ﺑﺘﻀﺤﻚ ﺿﺤﻜﺔ ﻣﺠﻠﺠﻠﺔ ﻓﻲ ﺍﻟﺸﺎﺭﻉ ﺃﻭ ﺃﻱ ﻣﻜﺎﻥ ﻋﺎﻡ ﻣﺶ ﺑﺎﻟﻀﺮﻭﺭﺓ ﺑﺘﺤﺎﻭﻝ ﺗﻠﻔﺖ ﻧﻈﺮ ﺍﻟﺮﺟﺎﻟﺔ ﺍﻟﻠﻲ ﻓﻲ ﺍﻟﻤﻜﺎﻥ ﻋﺸﺎﻥ ﺗﺤﻜَّﻬﺎ . ﺇﻃﻼﻗﺎً، ﺩﻱ ﻣﺒﺴﻮﻃﺔ ﻭﺳﻤﻌﺖ ﺣﺎﺟﺔ ﺿﺤَّﻜﺘﻬﺎ ﻣﺶ ﺃﻛﺘﺮ . ﺍﻟﺒﻨﺖ ﺇﻟﻠﻲ ﻧﺎﺯﻟﺔ ﻣﻦ ﺑﻴﺘﻬﺎ ﻋﻠﻰ ﺳﻨﺠﺔ ﻋﺸﺮﺓ ﻣﺘﺸﻴﻜﺔ ﻭﻣﺘﻤﻜﻴﺠﺔ ﻣﺶ ﺑﺎﻟﻀﺮﻭﺭﺓ ﻧﺎﺯﻟﺔ "ﺗﺴﺘﻠﻘﻂ ﺭﺯﻗﻬﺎ ." ﺇﻃﻼﻗﺎً، ﺩﻱ ﺯﻳَّﻬﺎ ﺯﻳَّﻚ ﻟﻤﺎ ﺑﺘﻨﺰﻝ ﻛﺎﻭﻱ ﻗﻤﻴﺼﻚ ﻭﻣﻠﻤِّﻊ ﺟﺰﻣﺘﻚ ﻭﻣﻈﺒَّﻂ ﺷﻌﺮﻙ ﺟِﻞ، ﻋﺎﻳﺰﺓ ﺗﺤﺲ ﺑﻨﻔﺴﻬﺎ ﻟﻤﺎ ﺗﺒﺺ ﻓﻲ ﺍﻟﻤﺮﺍﻳﺔ ﺯﻳّﻚ ﺑﺎﻟﻈﺒﻂ . ﺍﻟﺒﻨﺖ ﺇﻟﻠﻲ ﺑﺘﺪﺧﻞ ﻓﻲ ﻋﻼﻗﺎﺕ ﻋﺎﻃﻔﻴﺔ ﻛﺘﻴﺮ ﻣﺶ ﺑﺎﻟﻀﺮﻭﺭﺓ ﺑﺘﺪﻭّﺭ ﻋﻠﻰ ﻭﺍﺣﺪ ﻳﻨﺎﻡ ﻣﻌﺎﻫﺎ . ﺇﻃﻼﻗﺎً، ﺩﻱ ﻏﺎﻟﺒﺎً ﻋﻨﺪﻫﺎ ﺇﺣﺘﻴﺎﺝ ﻋﺎﻃﻔﻲ ﻋﻤﻴﻖ ﻭﻣﺶ ﺑﺘﻮﻓﻖ ﻓﻲ ﺇﺧﺘﻴﺎﺭﺍﺗﻬﺎ، ﻣﺶ ﺃﻛﺘﺮ . ﺍﻟﺒﻨﺖ ﺇﻟﻠﻲ ﺑﺘﺮﻛﺐ ﺍﻟﻤﺘﺮﻭ ﻓﻲ ﻏﻴﺮ ﻋﺮﺑﻴﺔ ﺍﻟﺴﻴﺪﺍﺕ ﻣﺶ ﻣﻌﻨﺎﻩ ﺇﻧﻬﺎ ﺟﺎﻳﺔ ﺗﺴﺘﻤﺘﻊ ﺑﺘﺰﻧﻴﻖ ﺍﻟﺮﺟﺎﻟﺔ ﻓﻴﻬﺎ . ﺇﻃﻼﻗﺎً، ﺩﻱ ﻫﺮﺑﺎﻧﺔ ﻣﻦ ﺍﻟﺮﻳﺤﺔ ﻭﺍﻟﺨﻄﺐ ﺍﻟﺪﻳﻨﻴﺔ ﻭﺍﻟﻌﺠﺎﻳﺐ ﺍﻷﺧﺮﻯ ﺇﻟﻠﻲ ﻓﻲ ﻋﺮﺑﻴﺔ ﺍﻟﺴِﺘّﺎﺕ . ﺍﻟﺴﺖ ﺍﻟﻤُﻄَﻠَّﻘﺔ ﺃﻭ ﺳﺎﻳﺒﺔ ﺑﻴﺖ ﺟﻮﺯﻫﺎ ﻣﺶ ﺑﺎﻟﻀﺮﻭﺭﺓ "ﺇﻣﺮﺃﺓ ﻟﻌﻮﺏ" ﺃﻭ " ﺳﺖ ﺷﻤﺎﻝ " ﻭﺩﺍﻳﺮﺓ ﻋﻠﻰ ﺣﻞ ﺷﻌﺮﻫﺎ. ﺇﻃﻼﻗﺎً، ﺩﻱ ﻏﺎﻟﺒﺎً ﻃﻔﺸﺎﻧﺔ ﻣﻦ ﻋِﺸﺮﺓ ﺭﺍﺟﻞ ﻣﻔﺘﺮﻱ ﻣﺼﺪِّﻕ ﻛﺪﺑﺔ ﺇﻧﻪ ﻭﻟﻲ ﺃﻣﺮﻫﺎ ﻭﺳﻴﺪﻫﺎ ﻭﻣﻤﺮﺭ ﻋﻴﺸﺘﻬﺎ، ﻣﺶ ﺃﻛﺘﺮ . ﻭﻫﻜﺬﺍ ﻭﻫﻜﺬﺍ ... ﺑﻼﺵ ﺗﻠﻮﻥ ﻛﻞ ﺣﺎﺟﺔ ﻧﺎﺑﻌﺔ ﻣﻦ ﺍﻟﺒﻨﺖ ﺑﻠﻮﻥ " ﺍﻟﺠﻨﺲ ﻭﻣﺸﺘﻘﺎﺗﻪ ﻭﻣﺘﻌﻠﻘﺎﺗﻪ " - ﻷﻥ ﺩﻩ ﻋﻠﻰ ﺍﻷﺭﺟﺢ ﺇﺳﻘﺎﻁ ﻣﻦ ﻋﻨﺪﻙ ﺇﻧﺖَ .