بتعرفوا مين هي الشام؟؟
الشام ريحة القهوة ....
الشام سيران يوم الجمعه ياعند موره ببلودان يا عند أبو وحيد بالفيجة.....
.الشام التفتيله بالشعلان و أبورمانه و المالكي أو باب توما
والأحلى بالشام العتيقه و أرجيله بالنوفره وعشا ببيت جبري ..
الشام السهر برمضان للصبح ..
.الشام الجار للجار.
الشام سوق الهال والحميديه وبكداش..
الشام قلعة دمشق و نزار قباني..
الشام صوت الله أكبر بالجوامع و جرس الكنايس بوقت واحد...
الشام مية بردى و الياسمين...... والتفاح والكرز والجوري والزنبق البلدي....
الشام اللي بس تطلع منا نهار بتحس بالغربه...
الشام لويعرفوا الشام؟؟الشام لمة الصبايا ع صحن تبوله...و اكلة الصبارة بساحة الروضة...الشام فنجان قهوه مع فيروز وكسر سفره بمكدوسة وكاسة شاي وخبزه مقمره عالصوبيا.....
الشام الغدا الساعه ٣ صحن حراق أصبعو وكوسا محشي.....
الشام تشعل شمعه بدير صيدنايا وتطعمي الحمامات بساحة الجامع الأموي
الشام ضجة الولاد بالباحه.....
الشام معرض دمشق الدولي وفيروز عم تصدح سنرجع يومآ....
الشام ما يطلبه الجمهور وغدآ نلتقي ومجلة التلفزيون .....
الشام صح النوم وحمام الهنا وكاسك يا وطن....
الشام امي وامك...ارضي وارضك .... عرضي وعرضك... دمي ودمك ... ابني وإبنك....
♥الشام لو يعرفو شو الشام ♥
الشام باب شرقي وباب الجانبيه
الشام ابو كمال وعلي بابا
الشام التكسي الاصفر والعداد ونص ع المشروع .....
♥الشام♥ فلافل بيسان وبن كنفش واحلى سوق التنابل
الشام بسطات الفستق الحلبي بأيلول وطرطشة السيارات بمطرة تشرين وطابات التلج المرصوصه رص بكوانين
الشام السبع بحرات والمزه والشيخ سعد وكفرسوسه......
الشام البيوت العتيقه المعربش عليها الياسمين وبيوت المهاجرين
الشام بوز الجدي وابو كاسم ( فول.. حمص .. فته..مخلل ) بياع الشاطرين والمختار والمصور رياض وبرستد شورى ومكتبة كروما .....
♥ الشام ♥ الناس بتسلم عليك بالطريق كأنا بتعرفك من مية سنه ...
الشام الدفا بعد البرد ... الأم يلي بتلم
الشام أمان الروح قبل المطرح
الشام بأهلها وسكانها
الشام بشيوخها وانساتها
الشام زفة العروس وعراضة العريس للصبح
الشام العزه والكرامه ....
الشام بالحزن تمسح دمعتك وبالفرح بتزلغطلك
♥ الشآآآآآم ♥
الحكي عنها ما بيخلص....♥
{الله يحمييييكي يا شآآآآم } ♥♥
