مصر ..
مصر يعني البلد اللي ذكرت في كتاب الله أكتر من مره ..
مصر اللي وصي عليها رسول الله ...
مصر اللي نزل علي أرضها معظم أنبياء الله ...
مصر الناس الطيبة .. مصر الناس اللي ضحكتها بتقرب القلوب لبعض ..
مصر الحارة .. مصر المدينة .. مصر النيل .. الخضرة الجميلة ...
مصر الحسن والحسين .. مصر السيدة زينب ..
مصر انا وكل مصري هناوفي كل حته مشرفينها ... مصر اللي فيها أطفال ملايكه ...
مصر السادات ونصر أكتوبر .. مصر نجيب وزويل ... والشعراوي .. وعادل امام .. ومجدي
يعقوب ... إلخ
مصر اللي بتحب جيرانها .. مصر اللي عمرها ماتإذي ضيوفها ...
ولما قالو ان مصر أم الدنيا مكدبوش ... بس ساعات الام اولادها يزعلوها
اه مننكرش ان فيها اللي يزعل وفيها حاجات تغضب ربنا .. لكن مصر أم حنونة طيبة
صابرة علينا .. لكن كلنا بنقولها أوعي تغضبي علينا يا مصر .. احنا اولادك
احنا اللي موتنا علشانك وهنموت تاني وتالت .. لو فينا حاجة وحشة احنا هنغيرها
بنوعدك يا أجمل بلاد الكون ... ولاد بيموتو في ترابك .. ولادك في كل حتة مشرفينك يابلدي
قسما بالله بنحبك .. وانا واحد من تمانين مليون بيقولك .. دمي جاهز ليكي من قبل
ماتحتاجيه هو بين إيديكي .. في أي وقت وأي مكان ..
وأوعو تفكرو بعد كل اللي قولتو قدرت أوصف مصر .. مستحيل .. كل اللي قولتو دا نقطة في
بحر مصر ...
وفي الاخر هقول ...
طول عمرك شريفة يا مصر .. وكايده في اللي ظلموكي
ربي يوعدك بالنصر .. من اللي عاشو يإذوكي
بنحبك يا مصر ...
مع تحيات إبنك البار : بني آدم .. شهيدك يامصر
