انا قلبى متحطم بالله عليك ساعدنى

Question

بصوا يا جماعة انا بحب واحدة وبموت فيها جدا جدا جدا جه فى يوم جرحتها وزعلتها منى جامد والى زاد وغطى انى قلت ليها كلام يزعل يعنى مثلا انا قلتلها امك مستعجلة على الخطوبة علشان ينزاح همك من عليها وقلت انتى مفكرة نفسك ايه يعنى خلاص العرسان واقفين على الباب دا انتى عصاية "علشنها رفيعة يعنى " بس المشكلة يا جماعة ان انا بعدت عنها بالظبط 5 ايام وفجاة عرفت ان خطوبتها يوم الثلاثاء الجاى دا فكلمتها وانا منهار واتفجئت منها بالبرود زى مثلا " انت عامل ايه . ايه اخبارك . عامل ايه فى دراستك " وانا اصلا مش مصدق انا من كتر حزنى كنت ببكى وعرفت من صحبتها انها مش هترد عليا تانى لو كلمتها قمت انا بعت رسالة بقولها فيها حياه سعيدة وكسرت الخط بتاع الموبيل يعنى انا خلاص نويت انى انساها علشان هى تعرف تعيش . المشكلة بقى يا جماعة انى حاسس ان فى نار فى قلبى انا بحبها جدا بموت فيها مش متخيلها مع حد غيرى انتو مش هتقدرو تحسوا انا حاسس بأيه انا مش عارف اذاكر ولا انام ولا اكل ولا حتى اتكلم صوتى ديما كأنى معيط بس انا مش معيط وحاسس بصداع وعنيا كأنها سد ماء وهينفجر بجد نفسى فى حاجة حد يقولها تخرجنى من الى انا فيه دا عايز انساها بأى شكل بالله عليكم ما حد يستهزء او يقول كلام دينى ويلقى اللوم عليا او او او انا عايز حد يشفى النار الى جوايا