للاسف مش لاقي صيغخ اقولها غير بالعاميه
هل اللي بيحصل في مصر ده لغبطه او توهان ؟
مش عارفين احنا تبع مين ومين معانا الشعب فتح حريات علي الخامس احزاب كل يوم بتطلع لدرجه ان الواد حمبوشو المكوجي عايز يفتح حزب ونقابه للمكوجيه وبيقولي ان حقوقهم مهضموه حتي انت يا حمبوشو
, كل يوم مظاهرات فئويه حتي العيال الصغيره عملين مظاهرات مفيش حد في البلد معملش مظاهرات حتي جدي بيقولي ما تيجي يا بني فرجني علي المظاهرات وبنت اختي الغيره تقولي الله يا خالو ده كل الناس ديه
بيلعبو مع بعض في الشارع مش عارف اعمل ايه حاسس اني تايه حاسس ان الحريات اللي الناس كانت محرومه منها حتتقلب ضدها احزاب داخله بشكل طائفي ديني وفئوي لدرجه ان فيه واحده اسمها ماجده الهلباوي
عايز تعمل حزب لمشجعين الكره بيهتم بامور الكره فقط والله ما بهزر وكلامي صدق ولا البلطجيه اللي بقو اكتر من الناس اللي بتمشي في الشارع ولا العربيات اللي بتمشي عكس السير وفوق الرصيف اه والله فوق الرصيف
تصدقو ان السكه كانه واقفه من كتر العربيات وانا ماشي علي الرصيف لاقيت ميني باص طالع علي الرصيف بيهرب من الزحمه وطبعا ربنا ستر معايا الحمد لله ولا ظباط المرور اللي لو وقفو اي عربيه ممكن السوائق هو اللي
يقول للظباط طلع رخصك البد مش ماشيه صح ومفيش اخلاق ولا روح للثوره ربنا يكرمنا ادعو وقولو امين
تحديث للسؤال برقم 1
علي فكره انا مش بقول السؤال ده للمصرين بس لكل عربي بيهتم بشان المسلمين في اي حته في العالم فمن لايهتم بامر المسلمين فليس منهم
