تعرضت لحادث من سيارة عندها تأمين في شركة اسمها بروج وكان الغلط 100% عليهم ورحت سعرت سيارتي في ورش معتمدة من المرور
وسيارتي افيو موديل 2010 وكانت التسعيرات من ثلاث ورش هي 1200 و 1300 و 1400 ريال ... طبعا الاضرار الي جات لسيارتي هي خدوش الصدام والرفرف والنور الامامي الايسر من عند السواق وطبعا انحرف الصدام لجهة
اليمين بشكل بسيط...
المهم يوم رحت لشركة بروج في الخبر طريق الظهران بعد ماكدونالدز وريد وينجز في بناية بيت الانصاري للاثاث في الدور الاول...
المهم دخلت عندهم والاوراق الي معي هي : رقم المراجعة الي من نجم مكتوب عليه تاريخ ورقم المراجعة ومكتوب عليه ملاحظة انك ماتصلح السيارة الا بعد ماتاخذ موافقة شركة التأمين..بالاضافة الى التسعيرات الثلاث
مع وصل التسعيرة لكل ورشة وكل وصل كان قيمته 50 ريال..بالاضافة الى ورقة تخطيط الحادث من نجم......
طبعا كل الاوراق صورتها بالجوال للاحتياط ولمن دخلت عليهم عطوني ورقة اعبيها وكان مطلوب منها بيناتك وبينات سيارتك وكيف صار الحادث وايش الاضرار مع توقيعك والتاريخ..طبعا حتى هذي الورقة صورتها..
واخذو كل الاوراق وقام الي على الكمبيوتر وجا جنبه واحد كبير شايب ..>>شكله كبيرهم بالشركة"""..المهم قام طالع الصورة الي ارسلها نجم..
وقال: اممم هذي تكلف بس رش صدام من 300 الى 400 ريال .. بنكتب لك الشيك بهالمبلغ وش قلت؟؟
قلت لهم: سلامات والتسعيرات الي من الورش ...؟
قراهم وقال: لا مايوصلون هالمبلغ واذا على الكلبسات يلا بنظيف مية وبنعطيك نهائي 500 ريال وش قلت ؟؟؟
قلت : لا يالغالي يعني الورش كذابين وهم معتمدين من المرور وبعدين سيارتي جاها اضرار كذا وكذا..
قال: مافيه الا 500 ريال نكتب لك الشيك موافق..؟
قلت : اكيد لا وخلاص عطوني اوراقي ونتفاهم قدام..
قال: وش بتسوي .. قلت : بشكتي بمؤسسة النقد..
رد علي وقال : اصلا شركة النقد ماتجبرني ندفع وقال للموظف الي على الجهاز الي معاه اوراقي : قم صور اوراقه وعطه اياهم وخله يروح يشتكي..
>>>انا بصراحة انقهرت من هالشايب وعلى هالاسلوب..>>المهم صورو الاوراق كلها وعطوني بس التسعيرات واوصالها وعطوني تخطيط نجم .. واخذو مني رقم المراجعة والورقة الي عبيتها عندهم..
وطبعا طلعت وانا مغبون منهم وقلت الله لايوفقهم لازم يضيعون وقتك ويتعبونك .. المهم كل الاوراق عندي مصورة وذلحين باقي بس اشتكيهم في هيئة التأمين الي ببناية المجدوعي بمخطط 91 بالدمام بعد مانقلوها من
مؤسسة النقد..
ياليت اذا احد عنده اي خلفية او خبرة كيف ناخذ حقنا منهم بسرعة يشاركنا .. لاني ناوي اشتكيهم حتى بالامارة على هالظلم..والله ظالمينا هالحكومة الي تحط انظمة بس تمشي على المواطن والشركات نظام التأمين الي
اجبرونا عليه مايحاسبونهم ويخلونهم يلعبون على كيفهم حسبيا الله عليهم وعلى كل من شاركهم الظلم والعدوان..
تحديث للسؤال برقم 1
هذا رابط لكلام واحد يدل على الظلم الي حنا عايشين فيه في هالبلد الي المواطن دائما مظلوم ومأكول حقه من قبل شركات التأمين وغيرها من الشركات .. وماعلى الظالم الا الله ويدخل في
هالظلم كل مسؤول ورئيس ومدير ونائب في هالدولة .. كل المحاكم و الشيوخ الي كل يوم يطلعون لنا بفتوى تخدم الظلام وتقتل المواطن بالهموم والديون هم اساس مشترك في هالظلم الحاصل في السعودية....لقد انتهى عصر
الرقابة وعصر الخوف من الله وصرنا في عصر لازم تكون ظالم كذاب عشان تعيش .. حسبنا الله ونعم الوكيل والواحد يروح يعيش بدول الكفار واليهود احسن من يعيش في السعودية الي لارقيب ولاحسيب الا على الضعاف من
المواطنين الابرياء..
هذا الرابط
http://webcache.googleusercontent.com/search?q=cache:CTSKMZy9IsgJ:www.traidnt.net/vb/traidnt1882407/+&cd=3&hl=en&ct=clnk
تحديث للسؤال برقم 2
آخر ماتوصلت له مع التأمين:
اول شي رحت لنجم عشان اشتكي ونجم عطوني رقم مؤسسة النقد بالرياض واتصلت عليهم وقالولي اول شي لازم ترفع شكوى عند نفس شركة التأمين واذا ماعطوك حقك خلال 15 يوم اتصل علينا وارفع شكواك برقم الشكوى الي
ارسلتها عند شركة التأمين
المهم انا اتصلت على شركة التأمين بروج الي بالرياض وقلت لهم ابغا اشتكي وكلمني مدير قسم الشكاوي وقالي خلاص بيتصلون عليك مكتب الخبر
وبعد ماقفلت من عندهم كلموني مكتب الخبر وقالولي اجيهم وادخل على المدير
خشيت عند مديرهم وقالي مالك الا تطلع مبسوط وجلسو يتناقشون معي وانه الصقعة ماهي قوية وماتكلف واني اذا بكمل شكواي راح تطول السالفة وفتحو لي بعض ملفات الي رافعين شكواهم وقالولي هذا لهم شهرين وزيادة
ماخلصت قضيتهم وقالولي ترا حنا خبرة فوق 15 سنة وعارفين اسعار التصليح ومن هالكلام وبالنهاية قالولي خلاص بنعطيك 1000 ريال وتكون هي المبلغ الكامل شامل التسعيرات والتصليح.. وقلت امري لله وحسبيا الله على
الظالم ووافقت وذلحين يبغالي اسبوعين عشان يعطوني الشيك..
لكن ماقول الا الله يخسرهم وعقبال ماتسكر شركتهم عشان يعرفون كيف يظلمون الناس ويسرقونهم...
