السلام عليكم ..
أنا فتاة حائليه ملتزمه ولله الحمد عمري 19 سنه و أؤمن بالرجال والنساء لكن حابه اوضح نقاط مهمه وهي :
1- قبل كل شي تروا ي بنات الله عادل لا يظلم أحدا ووضع الاسلام وهو عادل بين المرأه والرجل لكن فيه عيب واحد فيه أعتقاد واحد وهو العادات والتقاليد والباديه والمجتمع هالأربع الاشياء هي من جعلت الرجل
كذا
يعني الرجال في مجتمعنا السعودي مكرمين والمرأه كالحذاء اعزكم الله مجتمعنا هو من أهان المرأه وأهان كرامتها التي كرمها الله ..
2- صح أني أكره الرجال حيل ماعدا الصالحين والاتقياء تدرون ليش لاسباب :
أحب الصالحين و الاتقياء لانهم يمشون على الدين صح ماهمهم المجتمع وما يقولون .. اما الرجال الباقين فـ لا ..
3- أكرهم لان أغلبهم يلعبون على البنات ومايبون منهن الا شرفهن وماذنب البنت أذا ربي خلقها عاطفيه ماذنبها تلعبون عليها جاوبوا ؟؟
4 - أنا مااني مثلكن ي بنات انا ماابي اعيش لان العيش في مجتمعنا السعودي ظلم بعضهم مهو كلهم .. انا من زمان ادعي ربي بان يقبض روحي ولا اتزوج او اعيش مع رجل ..
5 - فيه شي مهم ماقلته وهو متعلق باامور الدين :
الرجال يقدرون يسووين اي عمل ويكسبون حسنات كالجبال اما نحن فللاسف لا لان مجتمعنا لا يساعدنا ..
سبب التزامي هو عده اسباب ومن هالاسباب :
الحديث اللي يقول : نصف اهل النار النساء .. اول ماسمعت هالحديث قلت في نفسي لا اريد ان اكون منهن بل سأتحدى الرجال واكون من اهل الجنه ان شاء الله ..
6 - انا انفع اكثر من اخوي في البيت واخرتها يحبونه ويقولون هو افيد منك .. مهو بكيفكم مثل ماانا اطبخ وانظف وارتب هو غصب عنه يوديني للي ابي واذا لا فاانا لا اطبخ لك لاني غير مسوؤله عنك ..
هالكلام ودي اقوله من زمان لكن مااتاحت لي الفرصه واليوم اتاحت الحمدلله ..
يلا ي بنات ي للي تكرهوا الرجال اجتهدوا بالاعمال الصالحه والذكر وغيرها من الاعمال عشان يرضى الله عنا ويدخلنا الجنه ولا يجعلنا مما قال رسوله فينا : نصف اهل النار النساء ..
والسلام عليكم
