ياويل قلبي على اللي شفت صورتها
حوريه تبتسم لي داخل الصوره
ابهامها بين .. جمرتها وجمرتها
من شافها يبصم ان البنت مغروره
وأنا لو اني اتبع بس جرتها
لـ أشوف كل القلوب الخضر منثوره
يلعن أبو حيّها .. ياشين دبرتها
وشلون خلت عيال العز مقهوره
ياكم غرير قنص لربوع ديرتها
ثم عوّد يجر ملواحه مع طيوره
شامت عن أهل المظاهر رغم طفرتها
واختارت اللي عسفها بـ أمره وشوره
أسد لعبها صحيح وصاد غيرتها
حتى غدت في إيدينه شبه مكسوره
الله من ليلة تشهد لعبرتها
والله من ونة في الصدر مقبوره
من عقب ماهيب مغتره بشهرتها
حنت له الراس منهيّه .. وماموره
وأنا هنيا ماغير أشوف صورتها
وأبطي وأنا أقول .. يخرب بيت هالصوره
