النادي اللياقي بالرياض مخرج 15 شارع المية تجربتي معة ؟

Question

تحديث للسؤال برقم 1

تجربتي  مع النادي اللياقي السلام عليكم ورحمة الله وبركاتة انا مشترك بالنادي اللياقي عند مخرج 15 اول مرة اندم اني اشترك بنادي  لأن سعرة غالي مقارنة بالأندية الثانية لاكن قلت لازم اشترك لأن عندهم مساج وحمام شامي مجانا وهذا بحد ذاته يكفي بأن يكون سعرة أعلى من الاندية الأخرى بعد اشتراكي بالنادي اللياقي جيت للمدرب قلت ابغاك تسوي لي ملف تأخذ وزني وطولي والقياسات المعروفة بالأندية الأخرى  يطالع لي ويقول انا الحين ماني ماني فاضي قلت اكيد عندك حصة لياقة قال لا ....... مادري وش اقول له مدرب زي كذا؟؟؟؟؟ رحت لموظف الأستقبال قلت له احجز لي مساج وحمام شامي وكيف طريقة الحجز قال الحمام الشامي لك مرة بالاسبوع والمساج لك مرتين بالاسبوع قلت امرنا لله وين اللي اللي اول تقولون مساج وحمام شامي مجانا المفروض توضحون للمشترك .....على كل حال احجز لي باقرب وقت قال فية غداً الساعه 2 ظهرا  جيت  على الموعد قال لي مالك حجز قلت  وصراحة قهرني كنت متحمس لكن وش اسوي  قلت طيب الحل قال نحجز لك بعد بكرة هههههههه حسيت اني ابغ اسافر بالخطوط السعودية جاء وقت المساج اللي انا متحمس قلت الحين التمارين اللي انا سويتها مع نفسي باأيام المضية  طبعا معلومة صرت انا مدرب نفسي رغم غشامتي لا كن وش اسوي اركض على السير الى رأسي يبغ ينفجر من صوت صرير السير واروح صالة اللياقة انا ونفسي وأسوي تمارين مع نفسي ( بقلبي اقول لو وفرت فلوسي وسويت التمارين هذي مع نفسي بمجلس الرجال احسن لي ) المهم نرجع لموضوعنا دخلت عند اخصائي المساج يطالع بي ومعصب اسغربت قلت can I came  ممكن ادخل  مطنش قلت ابغ ادخل السكوت علامة الموافقة هههه انسدحت والأخصائي يسوي المساج بيد وحدة ياخذ لوشن ويلطخ ويسح على جسمي قلت يامستر يبغ فلوس اعطيك فلوس لاكن سو مساج كويس بيدينك الاثنين  ومطنش  قال خلاص قلت الجهه الثانية قال لا جهه وحدة وبعدها رحت للحمام الشامي  حط علية صابون ابو ريالين  وحاطين شطاف بنهاية الحمام ورش علية بالشطاف من بعيد وقال خلاص رح تروش  هو بقرارة نفسة عارف انه ماهو حمام شامي  انه ضحك على الدقون والامر والأدهى حطاين لوحة مكتوب فيها (( اي ملاحظة حتى لو لم يبتسم في وجهك الموظف تعتبر ملاحظة  ))  فرحت قلت ابغ اشتكي دقيت على الرقم رد علية واحد يقول الرقم غلط يابو الحبيب     فية مثل حجازي كنت ارددة من باب الضحك لاكن الآن عرفت معناه الحقيقي المثل يقول (( اللي معاه ريال ومحيره يشتري حمام ويطيرة )) فعلا اللي معاه فلوس زايدة عن الحاجة بدال مايرميها بالشارع يشترك بالنادي اللياقي