بصى انتى تجيبى اللبن و يكون مغلى
و تشترى علبة زبادى واحدة جاهزة من بره
و بعد كده تاخدى معلقة من علبة الزبادى دى و تدهنى بيها الطبق او الكوباية اللى هتعملى فيها
و بعد كده تحطى اللبن و هكذا مع باقى الاطباق او الكوبايات
و اما تخلصى تحطى الاطباق او الكوبايات فى صنية فيها مياه فاترة و تسيبيها لمدة تتراوح من 4:5
ساعات لحد ما تاخد قوام الزبادى
او فيه طريقة تانية
انك تجيبى اللبن المغلى و تجيبى علبة زبادى جاهزة و تحطى علبة الزبادى كلها فى كزرولة اللبن
و تقلبيها كويس لحد ما تتاكدى ان الزبادى داب و بعد كده هتصبيه فى الاطباق او الكوبايات
و هتعملى نفس الحكاية تانى تحطيهم فى صنية فيها مياه فاترة و تسيبيهم 4 او 5 ساعات
و بالهنا و الشفا ^_^
